Eerste slimfoon uit Afrika op die rak
2012-12-30 08:17
Brazzaville – ‘n Kongolese uitvinder het wat volgens hom die eerste slimfoon wat in Afrika ontwerp is bekendgestel.
Verone Mankou (27) het aan AFP gesê dat die sogenaamde Elikia, wat “hoop” beteken, Vrydag in die Republiek van die Kongo op die rak verskyn het.
Mankou, hoof van die maatskappy VMK, sê die foon, wat met die Android-bedryfstelsel werk, is vir nou slegs in die Kongo te koop, maar hy beplan om dit in ander lande bekend te stel.
Verkope van die foon sou aanvanklik in Oktober begin het, maar sy bekendstelling is uitgestel “weens ‘n groot toename in vraag,” het hy gesê.
Alhoewel die foon in die Kongo ontwerp is, word dit in China vervaardig. Dit kos omtrent €130 (sowat R1 458).
– Volg Nuus24 op Twitter
- Sapa - AFP
