Donker sjokolade so goed soos oefen
2010-06-29 14:02
Kaapstad – Mense met hoë bloeddruk kan gerus ‘n blokkie of twee donker sjokolade eet om hul bloeddruk te verlaag, berig Science Daily.
Navorsers vir die vaktydskrif BMC Medicine het die resultate van 15 studies oor die effek van flavonoïedes op bloeddruk gekombineer.
Daar is gevind dat dié anti-oksidant veroorsaak dat bloedvate uitsit en so bloeddruk verlig.
Donker sjokolade is ryk aan flavonoïedes en die navorsing toon dat die effek wat dit op bloedvate het, gelykstaande is aan daaglikse oefening.
Dit wil voorkom dat as mense met hoë bloeddruk gereeld donker sjokelade eet, dit hul kanse van ‘n hartaanval aansienlik verminder.
Kliek hier vir die volledige storie.