Dogter gevind danksy Google
2009-11-12 00:08
Washington - ‘n Eenvoudige Google-soektog het ‘n pa en sy dogter na drie dekades weer bymekaar uitgebring.
April Antoniou (30) en haar pa Scott Becker is reeds jare lank op soek na mekaar, sonder enige geluk. Maar toe Antoniou so paar dae gelede die woorde “Scott Robert Becker op soek na April” in Google ingetik het sou sy nooit kon raai waarop sy sou afkom nie.
Google het Antoniou na die webtuiste, www.aprilbecker.com, verwys waar sy ‘n onverwagse boodskap gevind het wat haar pa reeds sewe jaar gelede geskryf het in die hoop dit sy daarop sou afkom.
“Liewe April,
“As jy hierdie lees, moet jy asseblief ‘n e-pos stuur aan april@aprilbecker.com. Ek is jou pa en ek sal graag met jou wil praat.
“O, so terloops jy het nou selfs ‘n jonger suster wat BAIE graag met jou wil praat :-)
“Pa, Scott Robert Becker”
Volgens Becker soek hy reeds jare lank na sy dogter sedert hy van haar ma vervreemd is. April was toe net ‘n maand oud. Hy het glo duisende rande spandeer om haar te probeer vind, maar aan die einde was dit Google wat tot sy redding gekom het.
“Ek kon haar nie vind nie. Ook nie haar ma nie. Ek het orals gesoek,” het Becker aan ‘n plaaslike televisiestasie gesê.
“Ek het gehoop dat sy op ‘n dag haar eie naam sou intik en die webtuiste sou ontdek,” het hy gesê.
–Sapa, AFP