Dodelike adder het nie mannetjie nodig vir nageslag
2011-10-18 09:31
New York – Die dodelike vroulike kuiladder is in staat om sonder ‘n mannetjie se bydrae ‘n nageslag die lewe in te bring, het navorsers van Amerika bevind.
Die adder kan ook spermselle vir sowat vyf jaar berg voor hulle dit gebruik, het die navorsers bevind.
Die evolusionêre genetikusse Warren en Gordon Schuett van die staatsuniversiteit van Noord-Carolina het die slang bestudeer by 'n akwarium waar sy oor vyf jaar slegs kontak met een mannetjie gehad het. Dié mannetjie was egter van ‘n ander spesie (Pantherophis guttatus) en die navorsers meen kruisteling tussen die twee is onmoontlik.
Die wyfie het egter aan vier kleintjies geboorte gegee en ‘n ondersoek van hul DNS lewer geen bewyse van ‘n mannetjie se gene nie.
“Met die tegnologie wat ons tot ons beskikking het om DNS te analiseer, is dit vir ons moontlik om te bewys hierdie geboortes is meer algemeen as wat ons eens gedink het,” het Booth gesê.
Booth en Schuett se bevindinge is in die Biological Journal of the Linnean Society gepubliseer.
– Lees meer hier.
– Volg Nuus24 op Twitter.