Dinosourus in sy eie spore dood
2011-09-14 18:53
Londen – ‘n Fossiel wat vyftig jaar in ‘n Poolse museum gehuisves is, is die eerste dinosourusfossiel wat in sy eie voetspoor behoue gebly het, het wetenskaplikes gesê.
‘n Onlangse ondersoek van die 80 miljoen jaar oue fossiel het wetenskaplikes tot die bevinding gelei dat ‘n enkele reuse-voetspoor die gefossileerde omhul.
Fossieljagters van Pole en Mongolië het die fossiel in 1965 in Mongolië opgegrawe.
Die dinosourus is ‘n Protoceratops en aangesien dit een van die mees algemene spesies is wat navorsers gereeld in die Gobi-woestyn opgrawe, het navorsers aanvanklik min aandag aan die vonds geskenk.
Hulle het egter nou bevind dit is die eerste dinosourus om in sy eie voetspore behoue te bly.
Die navorsing is in die joernaal Cretaceous Research gepubliseer.
– Lees meer hier.
– Volg Nuus24 op Twitter.