Dié rooiwyne kan jou migraine gee

2012-06-25 15:25

Norwalk, Connecticut – Nuwe navorsing kan help om die stokoue vraag of rooiwyn tot ‘n migraine kan lei, te beantwoord.

Volgens navorsing wat by die jaarlikse vergadering van die American Headache Society in Los Angeles voorgelê is, kan faktore soos die weer en rooiwyn hierdie verskriklike hoofpyne veroorsaak.

Health Day berig die faktore het egter verskillende gevolge vir verskillende mense.

‘n Klein studie het na 33 volwassenes in Brasilië gekyk. Hulle moes ‘n halwe bottel Malbec, Tannat, Cabernet Sauvignon en Merlot minstens vier dae uit mekaar drink.

Die meeste mense sê hulle het minstens een keer elke 12 uur ‘n migraine gekry, maar sekere wyne was meer verantwoordelik vir hoofpyne as ander.

Tannat en Malbec het byvoorbeeld hoër vlakke tanniene, wat rooiwyn sy ryk kleur gee.

Die gevolgtrekking was dat wyne met die hoogste inhoud tanniene – Tannat en Malbec – die wyne is wat meer dikwels tot migraines lei.

Volg Nuus24 op Twitter