Die mens ‘het 30 000 jaar gelede platbrood geëet’
2010-10-19 14:23
Washington - Styselkorrels wat op maalklippe gevind is, toon aan dat die prehistoriese mens moontlik ongeveer 30 000 jaar gelede ‘n soort brood in Europa geëet het, sê Amerikaanse navorsers.
Die studie, wat Maandag deur die Nasionale Akademie van Wetenskap in Amerika gepubliseer is, toon moontlik aan dat die verwerking van graankorrels, moontlik deur hulle in meel op te maal, ‘n algemene praktyk in Europa was.
Dit is in kontras met die algemene opvatting dat mense uit dié tydperk hoofsaaklik vleis geëet het.
Korrels wat op maalstene by drie plekke in Italië, Rusland en Tsjeggië gevind is, blyk meestal van styselagtige varings afkomstig te wees. Navorsers sê dit kon ‘n goeie bron van koolhidrate en energie wees.
- Volg Nuus24 op Twitter
- Sapa - AFP