Dié medikasie kan oudag uitstel
2011-11-02 14:17
Londen – Wetenskaplikes het in ‘n poging om ‘n kuur vir ‘n dodelike kindersiekte te vind, ‘n manier ontdek om die proses van veroudering te vertraag.
Die navorsers hoop die nuwe behandeling kan miljoene pasgebore babas help en tot 'n beter begrip van die proses van veroudering by mense lei.
Die nuwe behandeling kombineer bestaande medikasie met 'n algemene dieetmiddel, N-Asetiel-Sistien, om beskadigde selle te herstel.
Chris Hutchison en sy kollegas van die Durham-universiteit in Brittanje het die nuwe behandeling op soek na ‘n kuur vir progeria ontwikkel.
Progeria is ‘n siekte wat kinders agt keer vinniger as normaal laat ontwikkel.
“Ons het ‘n manier gevind om die verouderingsproses te vertraag by kinders met progeria,” het Hutchison gesê. “In die langtermyn het dit waarskynlik gevolge vir gewone veroudering ook.”
Die voorlopige resultate van die studie is in die joernaal Human Molecular Genetics gepubliseer.
– Lees meer hier.
– Volg Nuus24 op Twitter.