Die gewildste op Google+ is...Mark Zuckerberg
2011-07-15 13:10
Londen – Die stigter van Facebook, Mark Zuckerberg, het die meeste volgelinge op Google se nuwe sosiale netwerk Google+.
Zuckerberg het meer as 184 000 volgelinge in sy netwerk, terwyl selfs Google se medestigter Larry Page se gevolg omtrent die helfte so groot is op 95 000.
Zuckerberg, Page en ander senior Google-ingenieurs is hoog op die lys van mense wat in meeste gebruikers van Google+ se vriendekringe, of Circles, verskyn.
Boonop is Zuckerberg nog botstil op die sosiale netwerk. Sedert hy aangesluit het, het hy nog niks geskryf of opgelaai nie.
– Lees meer hier.
– Volg Nuus24 op Twitter.