Die Facebook-boek
2009-07-15 12:00
Dié wat bekend is met die sosiale netwerk Facebook, sal weet dat dit deur Mark Zuckerberg geskep is en dat hy ook die stigter is.
Maar daar is nou ‘n nuwe boek oor Facebook wat ‘n ander storie vertel.
Ben Mezrich, skrywer van die 2003 treffer "Bringing Down the House," wil lesers ‘n ding of twee oor die name agter Facebook leer.
In sy nuwe boek, Accidental Billionaires — The Founding of Facebook: A Tale of Sex, Money, Genius and Betrayal, volg Mezrich die sosiale netwerk se lewe van begin tot nou. Die boek word as nie-fiksie bemark.
Mezrich noem name soos Eduardo Saverin, Zuckerberg se eers beste vriend en oorpronklik ook medestigter. Hy skryf ook oor die tweeling Tyler and Carmeron Winklevoss, klasmaats van Zuckerberg wat hom aanvanklik aangestel het om ‘n kode vir húl eie webblad te skryf.
Mezrich volg Facebook se geskiedenis, van sy oorsprong in ‘n universiteitskamer tot wêreldwye internet fenomeen. Die webwerf het al meer as 200 miljoen gebruikers in slegs vyf jaar gelok het.
Die boek is 14 Julie op Amerikaanse rakke en sal later vanjaar in Suid-Afrika beskikbaar wees.