Deurbraak-jel verminder MIV/vigs oordrag met 39%
2010-07-20 10:36
Kaapstad - 'n Beskermende jel wat deur 'n Suid-Afrikaanse navorsingspan ontwikkel is, het die oordrag van MIV/vigs by vroue met 39% verminder.
Die jel bevat die teen-Vigsmiddel tenofovir.
Dokter Salim Abdool Karim van die Universiteit van KwaZulu-Natal sê die uitslag toon dat die verspreiding van die virus vertraag kan word indien vroue 'n manier het om hulself te beskerm.
Die volledige bevindings van die navorsing word Dinsdag by die Internasionale Vigs-konferensie in Wene, Oostenryk, bekendgemaak.
Navorsers probeer reeds vir jare om 'n anti-mikrobiese jel te ontwikkel wat MIV-oordrag voorkom. Dié nuwe jel verminder verder ook die oordrag van herpes met 51%. 'n Groep van 889 vroue in Durban en op 'n plattelandse dorp het aan die navorsing deelgeneem.
- Volg Nuus24 op Twitter.