Definisie van 'breëband' in SA nie verander
2012-02-06 13:01
Johannesburg – Die departement van kommunikasie sal nié die minimum-definisie van breëband in Suid-Afrika aanpas nie, het MyBroadband berig.
Dié aankondiging volg ten spyte van vroeëre aanduidings dat die definisie van wat as 'n breëband-verbinding kwalifiseer, verander sal word.
Die minimum-spoed wat van 'n verbinding vereis word om as "breëband" te kwalifiseer is volgens die Nasionale Breëbandbeleid tans 256 kbps.
Adj.-dir.genl. Themba Phiri het in 'n onderhoud gesê haar departement oorweeg dit egter nie om dié minimum-spoed nou opwaarts aan te pas nie.
Die perk van 256 kbps het vroeër skerp kritiek ontlok by analiste, wat verwys het na die departement van kommunikasie se voorneme in 2011 om 100%-breëbanddekking teen 2020 in Suid-Afrika 'n werklikheid te maak.
– Lees hier meer.