Dagga help dalk trauma verlig
2011-09-21 22:02
Tel Aviv – Marijuana wat op sekere tye toegedien word, kan help om post-traumatiese stresversteuring in rotte te voorkom, het ‘n studie bevind.
Die navorsers van die Haifa-universiteit in Israel het bevind rotte wat binne 24 uur ná ‘n traumatiese ervaring met marijuana behandel word, het simptome van post-traumatiese stresversteuring (PTSD) vermy.
Die navorsers van die universiteit se departement van sielkunde se navorsing is in die joernaal Neuropsychopharmacology gepubliseer.
“Daar is ‘n belangrike vensterperiode kort ná die trauma,” het die hoofnavorser, Irit Akirav, gesê. “As rotte in dié tyd met marijuana behandel word, kan hulle simptome van PTSD vermy.”
Alhoewel daar dikwels geen verband tussen die emosionele toestande van diere en mense is nie, glo Akirav sielkundiges sal haar navorsing vorentoe op mense kan toepas.
– Volg Nuus24 op Twitter.
- AFP