Crack-kokaïne versprei glo MIV
2009-10-20 21:18
Vancouver – Die rook van kokaïnekristalle, beter bekend as crack-kokaïne vergroot glo die risiko van die verspreiding van MIV, het ‘n Kanadese studie getoon.
Die verband tussen dié twee is egter nog ‘n kopkrapper.
Navorsers by die B.C. Centre for Excellence in MIV/Vigs wat die verband tussen die gebruik van die dwelms en MIV in een van Vancouver se armste onderdorpe bestudeer, het gesê die resultate toon ‘n behoefte aan nuwe pogings om “veiliger rookkamers “ te open om dwelmsverslaafdes te beskerm teen die virus.
Die negejaar lange studie het ook gevind die getal verslaafdes wat crack-kokaïne op ‘n daaglikse basis in dié woonbuurt rook, het toegeneem.
Toe navorsers in 1996 met dié studie begin het, het hulle geen verband tussen die rook van crack-kokaïne en MIV gesien nie.
Mense wat tydens die studie erken het hulle rook die dwelm op ‘n daaglikse basis, is vier keer meer blootgestel aan die virus as dié wat dit minder of glad nie rook nie, volgens navorsers.
Die virus kan versprei word via verslaafdes met mondsere wat dieselfde pyp deel. Sommige mag egter MIV-positief wees en só die virus oordra.
Navorsers is egter nie 100% seker daaroor nie.
Die woonbuurt het die hoogste MIV/Vigs syfer in Kanada wat wenkbroue laat lig.
- Reuters