Chinese ruimtevaarders geniet 'n stukkie hond
2010-05-13 15:06
Kaapstad – China se eerste man in die ruimte het gesê Chinese ruimtevaarders eet hondvleis om hulle energievlakke hoog te hou terwyl hulle om die aardbol wentel.
Yang Liwei, 'n 44-jarige militêre vlieënier en Chinese ruimtevaarder, het die spyskaart in sy autobiografie, The Nine Levels between Heaven and Earth bekendgemaak.
“Baie van my vriende is nuuskierig om uit te vind wat ons eet. Hulle is onder die indruk dat ons luukshede soos perlemoen geniet,” het hy geskryf.
“Eintlik eet ons normale kos en daar is geen rede om dit geheim te hou nie.”
Hy het hoender, vis en hondvleis as deel van hulle spyskaart gelys.
- Vir die volledige storie besoek Telegraph.
Volg Nuus24 op Twitter.