China vorder met ruimte-planne

2013-02-28 17:42

Beijing – China se volgende bemande ruimtesending sal tussen Junie en Augustus plaasvind, het die media Donderdag berig.

Dié land se ruimteagentskap beplan om sy eie ruimtestasie te bou.

Die Shenzhou 10-tuig sal met drie bemanningslede vanuit die afgeleë Gobi-woestyn gelanseer word, en sal by die Tiangong 1-ruimtetuig aansluit. Die Tiangong 1 is net ‘n proefweergawe en nie die bousteen vir die ruimtestasie nie.

China werk tans daaraan om die tegnologiese en logistieke aspekte van die sending te beplan. Die mikpunt is om uiteindelik ‘n volledige ruimtestasie te bestuur wat ruimtevaarders vir lang tye kan huisves.

Dit sal China se vyfde bemande sending sedert 2003 wees.

China beplan ook om ‘n onbemande tuig na die maan te stuur om ‘n verkenningstuig te ontplooi.

– Volg Nuus24 op Twitter
 

- Reuters