China maak 3D-kaart van die maan
2009-09-29 14:23
Beijing- China het ‘n hoë-resolusie, driedimensionele-kaart van die hele oppervlak van die maan saamgestel.
Hierdie deurbraak sal ‘n belangrike rol speel in China se toekomstige maanlandings.
Kort nadat dié land in 2003 vir die eerste keer iemand in die ruimte ingestuur het, mik hulle nou om ‘n elektronies-beheerde toestel na die man se oppervlak te stuur. Teen 2020 hoop hulle om die eerste persoon uit China na die maan te stuur.
Die kaart is saamgestel deur data wat versamel is deur ‘n kamera wat op die Chang’e 1 gemonteer is. Dié onbemande-ruimtetuig is in 2007 na die maan gestuur.
Die kaart sal ook bydra tot wetenskaplike studies oor die maan en sy evolusie oor die jare.
–Sapa, AFP