China het wêreld se vinnigste rekenaar
2010-11-15 12:20
Kaapstad - China het die VSA 'n digitale bloedneus gegee deur aan die voortou van die rekenaar-wêreld te spring met 'n masjien wat as die vinnigste op aarde beskou word.
Die Tianhe-1 (dit beteken "Melkweg") kan 2,570 biljoen berekeninge per sekond uitvoer, wat die rekenaar die nommer-1 posisie op die Top-500 lys van superrekenaars besorg het.
Die Amerikaners se Jaguar-rekenaar, wat by 'n regeringsinstelling in Tenessee aangehou word, was die wêreld se vinnigste superrekenaar voordat dit onttroon is. Aangesien dié masjien 'net' 1,750 biljoen berekeninge per sekonde kan uitvoer, moet dit nou tevrede wees met tweede plek.
Tianhe-1 is te vind by China se Nasionale Sentrum vir Superrekenaars in die noordelike stad Tianjin.
Kliek hier vir meer oor die storie.