Cell C smee bande met China
2010-01-27 12:30
Johannesburg – Die Suid-Afrikaanse selfoondiensverskaffer Cell C het 'n groot kontrak aan 'n Chinese maatskappy, ZTE Corporation, toegeken.
Die maatskappy het, saam met sy filiaalmaatskappy ZTE Corporation South Africa, 'n netwerkverskaffersooreenkoms en 'n diensbestuur-ooreenkoms met Cell C onderteken.
Volgens 'n verklaring wat Woensdag deur ZTE uitgereik is, sal die maatskappy toerusting en dienste ter waarde van $378 miljoen (R2,88 miljard) aan Cell C verskaf.
– Sapa