Cameron soek meer beheer oor Facebook, Twitter
2011-08-12 15:44
Londen – David Cameron, die Britse premier, het die sosiale netwerke Facebook en Twitter as sondebokke vir hul rol tydens onluste in dié land uitgesonder.
Cameron het gesê die vrye vloei van inligting kan soms ‘n probleem wees.
Hy het verteenwoordigers van die sosiale netwerke Facebook en Twitter, asook die BlackBerry-vervaardigers Research in Motion, na ‘n vergadering genooi waar hulle rol in die onluste bespreek sal word.
“Almal wat die gebeure in ons land gevolg het sal geskok wees om uit te vind hoe sosiale media gebruik is om die onluste te mobiliseer,” het hy aan die parlement gesê.
“Die vrye vloei van inligting is goed, maar dit kan ook vir kwaad gebruik word.”
“Wanneer mense sosiale media gebruik om geweld aan te vuur, moet hulle gestop word,” het hy gesê.
Cameron het ook gesê die regering werk aan ‘n voorstel om oproeriges van sosiale netwerke te vebied.
– Lees meer hier.
– Volg Nuus24 op Twitter.