Buurman tronk toe oor kinderporno op gesteelde Wi-Fi
2011-07-13 13:13
New York – ‘n Kuberkaker van Minnesota is tot 18 jaar tronkstraf gevonnis ná hy sy bure se Wi-Fi-internet gebruik het om hulle vals te beskuldig van seksuele teistering en die verspreiding van kinderpornografie.
Barry Ardolf (46) het herhaaldelik sy bure se Wi-Fi-internetverbinding in 2009 misbruik om wraak teen sy bure te neem.
Sy wraaksugtigheid het glo begin kort na Matt en Bethany Kostolnik langs hom ingetrek het.
Hul 4-jarige seuntjie het glo op die dag van die trek weggedwaal en by Ardolf se huis opgeëindig.
Toe Ardolf hom terug huis toe geneem het, het hy die kleuter na bewering op die mond gesoen.
“Ons het langs ‘n pedofiel ingetrek,” het Bethany aan haar man gesê.
Die woedende Ardolf, ‘n rekenaartegnikus, het daarna twee weke geneem om die Kostolnik-gesin se Wi-Fi-netwerk te kraak en daarna ‘n MySpace-profiel in Matt se naam te skep waarop hy kinderpornografie gelaai het.
Hy het ook Matt se vroulike medewerkers deur sy e-posadres seksueel geteister.
“Hy het maande lank ondenkbare skade aan die Kostolnik-gesin se lewe aangerig en hulle in hul eie huis laat kwesbaar voel,” het regter Timothy Rank gesê voor hy Ardolf tot 18 jaar tronkstraf gevonnis het.
– Lees meer hier.
– Volg Nuus24 op Twitter.