Britse premier kap Facebook oor skieter
2010-07-15 14:10
Londen – Die Britse premier, David Cameron, het druk op Facebook geplaas om boodskappe ter ondersteuning van Raoul Moat, te verwyder, berig IOL News.
Raoul Moat het verlede week opslae gemaak ná hy vir dae lank van die polisie gevlug en uitendelik selfmoord gepleeg het.
Hy het voor dit sy eks-meisie, haar kêrel en ‘n polisieman geskiet en belowe om soveel as moontlik polisiemanne dood te skiet voor hulle hom kon vang.
Die Britse premier het die sosiale netwerk fel gekritiseer omdat hulle niks doen omtrent boodskappe op die webwerf wat dié moordenaar vereer nie.
Sover het 30 000 mense by ‘n Facebook-groep wat hulde bring aan die skieter, aangesluit .
Cameron het ‘n ongewone stap geneem deur die sosiale netwerk te kontak en ‘n formele klag in te dien.
Kliek hier vir die volledige storie.
Volg Nuus24 op Twitter.
- SAPA