Britse LP wil BlackBerry’s in Londen opskort
2011-08-10 22:15
Johannesburg – 'n Britse parlementslid het 'n beroep gedoen vir die opskorting van die BlackBerry-selfone se boodskapdiens nadat oproeriges dit gebruik het om onluste in Londen en ander Britse stede aan te hits.
Die parlementslid van Tottenham, David Lammy, het gesê oproeriges verkies BlackBerry Messenger bo Twitter en ander sosiale netwerke omdat dié boodskappe privaat is en maklik na groepe mense gestuur kan word.
BlackBerry se vervaardigers, Research in Motion, het nog nie op Lammy se versoek gereageer nie.
BlackBerry het gister onderneem om sy samewerking aan wetstoepassers te gee.
– RSG
– Volg Nuus24 op Twitter.