Borsvoeding help babas se breine groei
2011-09-02 10:09
Londen – Ma’s wat hul babas borsvoed se kinders het groter woordeskatte en kan beter redeneer op 5-jarige ouderdom, het ‘n nuwe studie bevind.
Borsvoeding maak die grootste verskil onder babas wat vroeg gebore is en met hul breinontwikkeling moet opvang, het die studie bevind.
Borsvoeding word ook met verskeie ander gesondheidsvoordele, soos minder infeksies, in die kindertyd verbind.
“Daar is belangrike vetsure in borsmelk wat veral goed is vir sel- en breinontwikkeling,” het Amanda Sacker, een van die navorsers van die Universiteit van Essex, gesê.
“Daar kan ‘n verskil in die hormoonvlakke en groeifaktore wees teenoor bottelmelk,” het sy gesê.
“Dit kan ook wees dat babas wat borsmelk drink meer vasgehou word, wat hulle sosiaal bevoordeel,” het sy bygevoeg.
Die navorsers het sowat 12 000 babas wat tussen 2000 en 2002 in Brittanje gebore is, ondersoek.
Die bevindinge is in The Journal of Pediatrics gepubliseer.
– Volg Nuus24 op Twitter.
- Reuters