Bloeddrukmedisyne voorkom spierverlies in bejaardes
2011-05-11 23:10
Washington – Medisyne wat algemeen vir bloeddruk
voorgeskryf word, voorkom moontlik die spierverlies en immobiliteit wat met
ouderdom gepaard gaan.
Die resultate is sover nog net in muise bewys,
maar kliniese toetse op menslike pasiënte word reeks in plek gestel, het ‘n
studie deur die wetenskaplikes by Johns Hopkins Universiteit gesê.
Hulle bevindinge is in die Science
Translational Medicine gepubliseer.
Hulle het toetse op 40 muise, wat 21 maande
oud is en as ‘bejaard’ beskou word, gedoen.
Spiere wat met losartan behandel is ná dit
deur die wetenskaplikes geïmmobiliseer is, het in drie weke geen massa verloor
nie.
Muise wie se spiere geïmmobiliseer is, maar
wat nié die behandeling ontvang het nie, het 20% van hul spiermassa in
dieselfde tydperk verloor.
Mense ouer as vyftig verloor oor die algemeen
1-2% van hul spiermassa per jaar.
Indien die behandeling op mense toegepas kan
word, kan dit die verlies van spiermassa weens ouderdom of weens ‘n gebrek aan
aktiwiteit, verhoed.
Volg Nuus24 op Twitter.