Bindende ooreenkoms by COP17 onwaarskynlik
2011-12-08 09:43
Kaapstad – Die Verenigde Nasies se sekretaris-generaal, Ban Ki-moon, het ‘n sterk aanduiding gegee dat daar nie ‘n bindende ooreenkoms oor klimaatverandering in Durban bereik gaan word nie.
Hy het Woensdag aan lede by die klimaatberaad in Durban gesê dat lede moet teruggaan na hul lande en hul eie wetgewing en strategieë moet ontwikkel om uitlatings te beperk en by klimaatverandering aan te pas.
“Moenie wag vir ‘n bindende ooreenkoms nie. Dit kan jare neem. Al hierdie lidlande moet hul eie maatreëls in plek stel,” het hy gesê.
“Ons het verlede jaar die hoogste uitlatings ooit gesien... As ons voortgaan soos normaal sal ons nie meer sake kan doen nie. Ons moet voortgaan met die saak vir aksie, vir skoon beleide en groen-beleid-inisiatiewe. Ons moet inisiatiewe van stapel stuur sodat gemeenskappe meer ingeligte besluite kan neem.”
– Lees meer by iol
– Volg Nuus24 op Twitter