Beyoncé se magie groter as Osama, WB op Twitter
2011-08-30 14:47
Los Angeles – Die skielike nuus oor die sangeres Beyoncé Knowles se swangerskap is die nuus wat tot dusver die grootste gegons op Twitter afgegee het, het die sosiale netwerk se beeldpoetsers gesê.
Sy en haar man, die rapper Jay-Z, verwag hul eersteling.
Die sangeres se aankondiging Sondag by MTV se jaarlikse Video Music-toekennings is gevolg deur 8 868 tweets per sekond.
Dit beteken Beyoncé se aankondiging het die netwerk harder laat gesels as toe Japan en Amerika mekaar die stryd in die eindstryd van die Sokkerwêreldbeker vir vroue aangesê het. Daar was ook minder verkeer oor die Japanse nuwejaar en selfs ná die dood van Osama bin Laden.
Verkeer na die musiekkanaal MTV se webtuiste, MTV.com, via sosiale media, het ook vanjaar 76% gestyg teenoor verlede jaar.
– Lees meer hier.
– Volg Nuus24 op Twitter.