Bewaarder kap kop met kameelperd

2010-03-28 02:01

Providence – ‘n Bewaarder by ‘n dieretuin is in die hospitaal opgeneem vir hoofbeserings nadat hy kop gekap het met ‘n kameelperd.

Volgens ‘n woordvoerder by die Roger William Park-dieretuin het die reuse-kameelperd Saterdag speels sy kop rondgeswaai toe hy per abuis die bewaarder getref het.

Die bewaarder het nie sy bewussyn verloor nie en kon na veiligheid loop.

Die 20-jarige Griffy is glo glad nie ‘n gewelddadige dier nie en geniet dit as die bewaarders sy kop krap.

– Sapa, AP