Besonderhede oor nuwe iPhone 5 bekend
2012-01-13 12:45
Kaapstad – Ná die onlangse bekendstelling van Apple se iPhone 4S het meer gerugte oor die bekendstelling van die iPhone 5 die ronde begin doen.
Gerugte doen al maande lank die ronde dat die volgende generasie van die iPhone met 'n nuwe ontwerp sal spog, groter sal vertoon en dalk selfs 4G-versoenbaar sal wees.
'n Bron het nou egter bevestig dat die nuwe iPhone 5 in 2012 in Amerika beskikbaar sal wees.
Dié toestel sal nie net met 'n ander ontwerp spog nie, maar sal ook anders voel omdat die omhulsel 'n rubber- of plastiekbasis sal hê.
Die jongste gerugte dui ook daarop dat die iPhone 5 'n rugkant van aluminium sal hê, en dat die skerm ietwat groter as die iPhone 4 s'n sal wees.
– Lees meer by Bandwidthblog
– Volg Nuus24 op Twitter