Besoedeling kan hartaanvalle veroorsaak

2011-09-21 11:12

New York – Die inaseming van swaar dampe besoedeling in die verkeer kan hartaanvalle veroorsaak, het Britse navorsers gesê.

'n Studie deur navorsers by die London School of Hygiene and Tropical Medicine het getoon dat die kans op ‘n hartaanval vergroot met 1.3% in die ses ure na padgebruikers met besoedeling van motors in kontak gekom het.

Hulle het die stowwe PM10 en stikstofdioksied as die skadelikste elemente uitgewys.

Die studie is in die British Medical Journal gepubliseer en het data van 80 000 pasiënte wat in stadsgebiede hartaanvalle gehad het, met mekaar vergelyk.

“Ons weet besoedeling kan ‘n groot effek op hartgesondheid hê,” het Jeremy Pearson van die Britse Hartstigting gesê.

Die stigting het die studie befonds.

“Dit is moontlik as gevolg van die verdikking van bloed wat die besoedeling veroorsaak,” het Pearson bygevoeg.

“Dit is geneig om bloedklonte te vorm, wat ‘n hartaanval kan veroorsaak.”

– Lees meer hier.

– Volg Nuus24 op Twitter.