Besluit oor Facebook-handelsmerk verras
2010-11-24 21:00
Palo Alto - Facebook staan op die punt om die woord "Face" as handelsmerk te registreer, berig die tegnologiepublikasie TechCrunch.
Dié onthulling volg ná die Amerikaanse patentekantoor Dinsdag 'n Kennisgewing van Toelating aan die sosiale netwerk-reus toegeken het. Dit beteken die patentekantoor het ingestem om die woord as handelsmerk te registreer.
Al wat Facebook moet doen om die woord te registreer is om binne die volgende drie maande die patent se uitreikingsfooi te betaal en 'n gebruiksverklaring uit te reik, waarna die "Face"-handelsmerk aan die maatskappy sal behoort.
Patenteprokureurs het vroeër skepties gereageer op gerugte dat Facebook dié woord wou registreer, en gesê dat die woord "face" veels te generies is om as handelsmerk gebruik te word.
- Lees die volledige storie hier
- Volg Nuus24 op Twitter