Bekendes verlaat Twitter
2010-09-16 09:50
Los Angeles – Is bekendes se obsessie met Twitter besig om af te neem?
Die sanger John Mayer het Maandag sy Twitter-profiel met 3,7 miljoen aanhangers gesluit.
Sommige sterre gebruik Twitter omdat dit ‘n goeie platform is om hulself te bemark, terwyl ander nie so daaraan dink nie.
Miley Cyrus het haar Twitter-profiel ‘n jaar gelede toegemaak nadat haar nuwe kêrel, Liam Hemsworth, haar aangeraai het om dit te doen.
Die Hairspray-ster Amanda Bynes het verlede week haar profiel toegemaak sonder om haar aanhangers daarvan in te lig.
Die rede hoekom so baie bekendes hul profiele toegemaak het is glo omdat daar grappe van hul Tweets gemaak word of dit word uit proporsie geruk, het Robert Thompson, 'n professor in TV en populêre kultuur by die universiteit van Syracuse, gesê.
- Volg Nuus24 op Twitter.
- Reuters