Bejaarde woefies se gemaklike oudag
2011-06-15 20:58
Tokio – Daar word gereeld gesê wagter lyk na sy baas en in Japan waar die populasie se gemiddelde ouderdom gou aanstap word daar ook mooi vir dié gryses gesorg.
Beter kos vir troeteldiere het in dié Asiese land honde en katte se lewensverwagtinge verleng en ‘n besigheidsektor tot gevolg wat vir die bejaardes van dieredoeke, loopwaentjies, 24-uur nooddienste en selfs jonger weefsel voorsien.
Japanners hou sowat 22 miljoen honde en katte aan volgens die land se reguleerder van troeteldierkos. Die vierpote oortref kinders onder 15 jaar oud met sowat 30% in getal.
Die land se populasie krimp sedert 2007 en die lae geboortesyfer en hoë lewensverwagtinge veroorsaak ‘n oorbevolking van die ouer geslag. Sowat ‘n kwart van die land se populasie is ouer as 65.
Om die diere in staat te stel om die skemer van hul lewens in die son deur te bring vervaardig maatskappy soos Yamahiso Co. loopwaentjies, doeke en selfs ‘n matrassie met handvatsels om die gryse uit die bed te help.
Eienaars in die land sorg glo liewer vir hul troeteldiere tot die bittereinder toe as om hulle te laat uitsit.
“Beëindig jy ‘n familielid se lewe as hulle ‘n ongerief raak?” het Michiko Ozawa (67) gevra. Sy het haar hond, Shiro, versorg tot hy natuurlik gevrek het.
Volg Nuus24 op Twitter.
- AFP