Beheer jou rekenaar binnekort met jou oë
2012-01-09 16:03
Kaapstad – Toe die iPad uitgekom het is die rekenaarmuis vinnig onttroon deur die mag van die tabletrekenaar se raakskerm, maar as jy jou oë uitvee kan die raakskerm die volgende slagoffer wees.
Tobii Technology se “gaze interaction”-stelsel laat gebruikers toe om hul rekenaarskerms met hul oë te beheer.
Mense kan deur webblaaie en fotogalerye blaai deur bloot gebruik te maak van kyke.
Die tegnologie van die Sweedse maatskappy kom van ‘n 2001-navorsingsprojek by Stockholm Universiteit wat deur die stigters van Tobii uitgevoer is.
Hierdie tegnologie kan binnekort beskikbaar wees vir verbruikers.
Tydens die elektronika-verbruikerskou in Las Vegas het die maatskappy Tobii-sagteware aan Microsoft se opkomende Windows 8-bedryfstelsel gekoppel.
Besoekers kon voor die skerm sit en deur slegs van hul oë gebruik te maak tussen Windows-skerms beweeg, deur foto’s blaai en selfs op die kleinste knoppie in ‘n Word-dokument klik.
– Lees meer by die Los Angeles Times
– Volg Nuus24 op Twitter