Bangladesh: Honde uitgedun weens hondsdolheid
2010-07-28 02:57
Kaapstad – Bangladesh beplan ‘n landwye veldtog om honde uit te dun en in te ent nadat dit aan die lig gekom het dat hondsdolheid die oorsaak van die meeste sterftes is, het ‘n beampte van die gesondheidsdepartement Dinsdag gesê.
In 2009 is nagenoeg 100 000 mense deur honde gebyt en ongeveer 2000 het weens hondsdolheid gesterf, het Moazzem Hossain gesê.
“Hondsdolheid is ‘n groot gesondheidsprobleem. Bangladesh het die hoogste aantal sterftes weens hondsdolheid per capita in die wêreld, het hy gesê.
Volgens hom kry hondsdolheid nie soveel aandag soos MIV/vigs of malaria nie.
Die veldtog skop volgende maand af.
Bangladesh het in 2009 ‘n soortgelyke veldtog van stapel gestuur, maar weens ‘n tekort aan die inentingstof het baie mense gesterf.
Die regering het vroeër hierdie maand ‘n nuwe inentingstof bekendgestel wat hondsdolheid finaal sal keer.
- Volg Nuus24 op Twitter.
- AFP