Babas word al ouer
2009-10-03 02:17
Denemarke - Die meeste babas wat vandag in ryk lande gebore word sal heel waarskynlik die 22ste eeu haal.
Indien die huidige lewensverwagting nie verander nie, kan babas van vandag meer as 'n 100 jaar oud word, het The Lancet, ‘n mediese joernaal gesê.
Meer ontwikkelde lande toon, sedert die 20ste eeu, ‘n verhoging van 30 jaar in die mense se verwagte leeftyd, het Kaare Christensen, ‘n professor by die Deense sentrum vir die navorsing van ouderdom aan die Universiteit van Denemarke gesê.
In die vyftiger jare het slegs 16% van 80-jarige vrouens en 12% van mans die ouderdom van 90 in gevorderde ekonomiese lande gehaal.
In 2002 het die getalle onderskeidelik tot 37% en 25% gestyg.
“Indien die lewensverwagting in onwikkelde lande aanhou verhoog, kan babas wat in 2000 in Frankryk, Italië, Europa, Amerika, Kaanada,Japan en Duitsland gebore is, hulle 100ste verjaarsdag vier,” het die joernaal gesê.
Die studie toon dat die ekstra jare minder onderhewig is aan gebrekke en afhanklikheid as in die verlede.
Die joernaal het egter gewaarsku dat ‘n langer leeftyd groter sosiale, ekonomiese en mediese uitdagings in die gesig kan staar wanneer die bejaardes baie raak.
“Die enigste oplossing hiervoor sal wees om werk, opvoeding, ontspanning en die grootmaak van kinders onder individue te versprei en die werkshoeveelhede onder verskillinde ouderdomme te varieër,” het die joernaal gesê.
- Sapa-AFP