Babas voel pyn voor geboorte

2011-09-12 12:05

Londen – ‘n Nuwe Britse studie het bevind babas verstaan vroeg die verskil tussen aanraak en seermaak en hulle voel pyn weke voor hul geboorte.

Die navorsers werk glo om die presiese punt tydens ‘n baba se ontwikkeling te bepaal waar die kleintjie pyn kan begin voel.

Hul bevindinge kan help om kliniese sorg vir vroeggebore babas te verbeter.

“Babas kan na 35 en 37 weke van ‘n swangerskap tussen gewone aanraking en pyn onderskei,” het die navorser Lorenzo Fabrizi van die University College Londen gesê.

Fabrizi en sy kollegas het 46 vroeggebore babas by die universiteit se hospitaal in Bloomsbury, Londen bestudeer.

Hul navorsing is in die joernaal Current Biology gepubliseer.

– Lees meer hier.

– Volg Nuus24 op Twitter.