Argeoloë voltooi werk aan antieke tonnel
2010-07-02 01:40
Kairo – Egiptiese argeoloë beweer dat die onvoltooide antieke tonnel veronderstel was om ‘n farao se graftombe met ‘n geheime begraafplaas te verbind.
Hulle het die tonnel reeds in 1960 ontdek, maar het eers drie jaar gelede met hul opruimingswerk aan dié argeologiese fonds begin.
Die tonnel is 174m lank en is gekoppel aan Farao Seti I se graftombe, een van die grafte in die Vallei van die Konings.
Farao Seti I is egter dood voor die tonnel klaargemaak is.
Argeoloë het antieke figuurtjies, potskerwe sowel as verskeie bou-instruksies in die tonnel gevind.
Daar was ook voorlopige sketse vir hoe die tonnel versier moet word sodra dit voltooi is.
Volg Nuus24 op Twitter.
- SAPA