Apple vervang iPods gratis
2011-11-18 12:34
Kaapstad – Apple roep die eerste generasie iPod Nano terug omdat die battery glo aan die brand kan steek – en die maatskappy sal joune gratis vervang.
Apple het Woensdag gesê die eerste generasie iPod Nano, wat tussen September 2005 en Desember 2006 verkoop is, word as gevolg van ‘n fout met sy battery teruggeroep.
“Ons het bevind in geïsoleerde voorvalle kan die battery van die iPod Nano (eerste generasie) oorverhit en ‘n veiligheidsrisiko inhou,” het die maatskappy in ‘n verklaring verduidelik.
Om uit te vind of jou iPod kwalifiseer om gratis vervang te word, kliek hier.
– Volg Nuus24 op Twitter.
- Nuus24