Apple se wins skiet op met 85%
2011-10-19 13:19
Londen – Die wêreld se grootste elektronikamaatskappy, Apple, het sy wins vir die jaar bekendgemaak en dit lyk 85% gesonder as verlede jaar.
Selfs 'n gesonde omset van $24.9 miljard (sowat R207 miljard) en wins van $6.2 miljard (sowat R49 miljard) het egter nie Wall Street tevrede gestel nie en Apple se aandeelprys het oornag met 5% geval.
Daar was teleurstelling in die vierde kwartaal omdat die maatskappy nie enige splinternuwe produkte op die mark gesit het nie.
“Die getalle is swak,” het Colin Gillis, ‘n ontleder van BGC partners, gesê. “Apple moet elke keer rekords breek om hul momentum te behou.
Apple het gesê sy verkope is gekniehalter omdat gebruikers vir die bekendstelling van sy nuwe iPhone 4S gewag het.
Die maatskappy het egter sowat vier miljoen van die slimfone binne drie dae na sy bekendstelling verkoop.
Apple het ook in die kwartaal 4.9 miljoen Mac-rekenaars verkoop – 27% meer as dieselfde kwartaal verlede jaar.
– Lees meer hier.
– Volg Nuus24 op Twitter.