Apple onthul nuwe iPhone

2010-06-09 15:00

Die nuwe iPhone 4

San Francisco – Apple het Maandag hul nuwe iPhone onthul wat later vanjaar beskikbaar sal wees.

Steve Jobs, hoof-uitvoerende beampte van Apple, het gespog met hul nuwe iPhone 4 wat ‘n kwart dunner as die huidige model is.

Die iPhone 4 se skerm is van 'n hoër kwaliteit en die battery gaan ‘n mens langer hou. Daar is ook ‘n spesiale sensor ingebou wat speletjies se kwaliteit verbeter.

Jy kan selfs met ander deur middel van video’s gesels via Wi-Fi.

Volgens Jobs sal die nuutste iPhone stelselmatig vrygestel word.

Die foon sal op 24 Junie eers in vyf lande beskikbaar wees. Teen Julie sal dit in 18 lande te koop wees en teen September sal dit wêreldwyd op die rakke te sien wees.

Ten spyte van die iPad se sukses in die eerste twee maande op die mark – wat meer as 2 miljoen in 60 dae verkoop het – is die iPhone Apple se hoofsaaklike toestel wat groei toon.

Volg Nuus24 op Twitter.
 

- Reuters