Apple gee kraker ‘n werk
2011-08-29 10:50
New York – Die tegnologiereus Apple het ‘n 19-jarige wat gereeld hul iPhone gekraak het en die produk se sekerheidsprobleme gepubliseer het ‘n internskap aangebied.
Nicholas Allegra, die skepper van die webtuiste JailBreakMe, het die nuus op sy Twitter-blad @comex bekendgemaak.
“Ek sal die week na volgende week my internskap by Apple begin,” het Allegra gesê.
“Allegra het Apple in die verlede menige hoofpyn gegee,” het Graham Cluley, ‘n senior konsultant by die sekerheidsfirma Sophos, gesê. “Apple moes elke keer na Allegra sekerheidsprobleme gepubliseer het, ‘n nuwe sekerheidsopdatering vrystel.”
“Dit is ‘n geval van: As jy hom nie kan klop nie, vra hom om by jou aan te sluit,” het hy bygevoeg.
– Volg Nuus24 op Twitter.
- AFP