Apple en Samsung skuldig in Suid-Korea

2012-08-24 20:55

Seoul – ‘n Suid-Koreaanse hof het beslis dat Apple en Samsung albei mekaar se patente van mobiele toestelle nagemaak het.

Die hof het ook besluit om nasionale verkope van hul produkte te beperk, het BBC News berig.

Die hof het beslis dat die Amerikaans-gebaseerde Apple twee van Samsung se patente gebruik het en dat Samsung een van Apple se patente gebruik het.

Hierdie besluit kom terwyl ‘n jurie in Kalifornië besluit moet neem oor ‘n patent-verhoor tussen die twee maatskappye in Amerika.

Die hof in Suid-Korea het ook beslis dat Apple $35 000 (sowat R290 000) aan Samsung moet betaal, terwyl Samsung sowat R180 000 aan Apple moet betaal.

Die bedrae is egter baie klein teenoor die bedrae in die Amerikaanse saak. Apple soek meer as $2,5 miljard (sowat R21 miljard) van Samsung wat na bewering van sy patente op die iPhone en iPad gesteel het.

Lees hier meer

– Volg Nuus24 op Twitter