Apple dok op, Nokia sug van verligting
2011-06-14 15:38
Washington – Die wêreld se grootse selfoonvervaardiger Nokia het Dinsdag gesê die iPad-vervaardiger Apple het ingestem om aandele in opbrengs te deel in ruil vir die gebruik van die Finse maatskappy se tegnologie.
Dit bring ‘n einde aan 46 pantenteregsake tussen die tegnologiereuse.
“Die ooreenkoms is tot ‘n eenmalige betaling aan Nokia en ‘n voortgaande deel in opbrengs,” het ‘n verklaring van Nokia gelui.
Beide maatskappye het ingestem om die strydbyl te begrawe en het alle onopgeloste patenteregtesake teen mekaar teruggetrek.
“Ons is uiters tevrede om Apple as een van ons lisensiehouers te hê,” het die verklaring verder gelui.
Nokia het ook gesê die ooreenkoms sal ‘n “positiewe finansiële gevolg” hê.
Twee weke gelede het die selfoonmaker gesê hy kan nie ‘n volledige voorspelling oor die jaar se opbrengs maak nie, aangesien hy in die eerste kwartaal dramaties swakker as die vorige jaar gevaar het.
Volg Nuus24 op Twitter.
- AFP