Android loop voor in tabletrekenaar-mark
2013-02-01 10:01
New York – 'n Nuwe studie deur die marknavorsingsmaatskappy International Data Corporation (IDC) dui daarop dat Android-tabletrekenaars nou vinniger verkoop as die iPad, Apple se oorspronklike weergawe van dié produk.
Die verslag toon dat Apple se iPad en iPad Mini vir die eerste keer 'n markaandeel van minder as 50% het, terwyl die verkope van Android-toestelle in die vierde kwartaal toegeneem het, het CNN berig.
Apple se verkope in die vierde kwartaal het hom 'n markaandeel van 43,6% besorg, terwyl die gesamentlike markaandeel van Android-tabletrekenaars – wat vervaardig word deur maatskappye soos Amazon, Asus en Samsung – meer as 50% is.
Microsoft het 900 000 Surface-tabletrekenars versend, wat 1,7% van totale verkope in die tabletrekenaarmark is, terwyl Amazon ses miljoen Kindles verkoop het, wat sowat 11,5% van die mark is.
Apple het teen 2011 nog 90% van die markaandeel in die tabletrekenaarmark gehad.
– Less hier meer.
– Volg Nuus24 op Twitter.
