Amerikaners sterf gouer

2010-10-07 14:22

Washington – ‘n Studie het bevind dat die 15-jaar oorlewingsyfer vir Amerikaanse mans en vroue tussen die ouderdomme van 45 en 65 jaar drasties gedaal het in vergelyking met 12 ander ontwikkelde lande oor die afgelope 30 jaar.

Dié studie is deur ‘n span van die Universiteit van Columbia in New York gedoen.

Volgens die studie gaan Amerikaners in die ouderdomsgroep nie gouer dood aan die gewone oorsake soos ongelukke of ‘n hoë moordsyfer nie, maar eerder aan swak gesondheidsorg.

Volgens Peter Muennig het hy en sy span dié gewone oorsake tydens die studie in ag geneem juis omdat ondersteuners van die hervorming van gesondheidsorg dikwels vinger wys en sê dat die VSA ‘n hoër getal van vetsug- sowel as ongeluksterftes en moorde as ander lande het.

Volg Nuus24 op Twitter.

 

- Reuters