Amerika gee nóg artefakte terug aan Peru
2011-05-13 15:49
Johannesburg – Amerika het gesteelde geskiedkundige artefakte aan Peru teruggegee ná die items onwettig uit die land geneem is.
Die artefakte, waaronder materiaal- en keramiekwerk wat tot 1 800 jaar oud kan wees, is onwettig ingevoer uit Peru en is ná verskeie ondersoeke in Texas, New York en Colorado opgespoor.
Die Peruviaanse ambassadeur in die VSA, Luis Miguel Valdivieso Montano, het gesê die oorhandiging van dié voorwerpe is die eerste sedert die Yale-universiteit 'n versameling van 366 geskiedkundige stukke van die Inca-vesting, Machu Picchu, aan Peru teruggegee het.
Volg Nuus24 op Twitter.