Amazon sal vergoed vir blaps
2009-09-06 03:12
San Fransisco – Amazon.com het belowe om kopieë van digitale boeke wat hulle opsetlik geskrap het, te vervang.
Dié aanlyn handelaar het om verskoning gevra vir die kontroversiële voorval nadat hulle ‘n aantal verbruikers se kopieë van George Orwell se 1984 sowel as “Animal Farm”, skoongevee het.
Hulle het belowe om die eienaar van die Kindle elektroniese boeke ten volle te vergoed en het aangedring daarop dat die voorval “ten strydig is met Amazon se beginsels.”
Klaarblyklik het hulle dit geskrap aangesien die maatskappy wat die elektroniese boeke aan Amazon verkoop het, nie die regte op dié Orwell romans gehad het nie.
- Reuters