Allergieë iets van verlede met dié melk

2012-10-02 18:03

Auckland – Navorsers in Nieu-Seeland het ‘n koei geneties gemanipuleer om melk te produseer wat bitter min van ‘n sekere proteïen bevat wat ‘n allergiese reaksie by sekere kinders veroorsaak.

Hulle hoop dat hierdie tegniek gebruik kan word om ander eienskappe onder vee te beheer.

Met nuwe ma’s wat al hoe minder borsvoed het koeimelk ‘n belangrike bron van proteïen vir babas geword. Tog is baie babas allergies vir koeimelk.

In ontwikkelde lande is tussen 2% en 3% van babas allergies vir koeimelk se proteïen in hul eerste lewensjaar.

Anower Jabed en sy kollegas by die AgResearch-navorsingsmaatskappy sê hulle genetiese gemanipuleerde koei het 96% minder van die beta-laktoglobulien-proteïen produseer. Hierdie proteïen veroorsaak allergieë by mense.

Bruce Whitelaw, ‘n professor by die Universiteit van Edinburgh, sê dat die Nieu-Seelandse navorsing ‘n goeie voorbeeld bied van hoe hierdie tegnologie gebruik kan word om alternatiewe strategieë vir die huidige produksieproses te skep.

– Health24

– Volg Nuus24 op Twitter
 

- Reuters