All Black Jane sukkel om vingers tuis te hou
2011-09-05 12:24
Wellington – Die All Black-vleuel en selfverklaarde verslaafde tweeter Cory Jane het gesê hy ly aan ontrekkingsimptome na die spanbestuur die gebruik van Twitter tot die einde van die Wêreldbeker-rugbytoernooi verbied het.
Alhoewel hy sy getweet gestaak het, het Jane gesê hy besoek kort-kort sy profiel op die sosiale netwerk.
“Ek sukkel. Ek teken omtrent elke 10 minute in om te sien wat mense sê en wat aangaan,” het hy gesê. “Dit maak seer, maar reëls is reëls.”
Jane se tweets het hom in die verlede by die All Blacks-bestuur in die sop laat beland toe hy in 2009 ‘n dag voor die span amptelik bekendgemaak is getweet het hy is uit die toetspan teen Engeland gelaat.
Die All Blacks se breier, Graham Henry, het toe erken hy het nie geweet wat Twitter is nie.
“Ek het gedink dit is die nuwe ou wat losskakel vir Engeland speel,” het hy gesê.
– Volg Nuus24 op Twitter.
- AFP